SEMINAAR VIR SKOLE: BEELD KREATIEWE SKRYFKOMPETISIE
OPNAME VIDEOSKAKEL
Registreer hier indien u die videoskakel wil bekom. Die inligting hierin vervat, is noodsaaklik en ons help u om die regte prosesse te volg en ons gee leiding ten opsigte van die identifisering van Kunsmatige Intelligensie. Die drie maklike stappe op die webtuiste word ook aan u verduidelik.
INLEIDING
Beeldskool wil graag met ons skole in gesprek tree oor die Kreatiewe Skryfkompetisie (2024). In hierdie video opnameskakel word die kompetisie met al die regulasies, dokumentasie (elektronies), die webtuiste, beoordeling, reëls en inskrywingsprosedures aan u bekend gestel en bespreek. Beeld en die kreatiewe skryfkompetisieborge wil ons onderwyspersoneel ook uitdaag tot deelname aan die kompetisie. Daar is 'n kategorie net vir onderwysers ongeag hul vakgebiede (poësie).
Die kreatiewe skryfkompetisie bestaan al sedert 2019 en leerlinge het oor die tydperk gehalte werk gelewer wat ons by Beeld en Beeldskool en die borge opgewonde maak oor die skryftalent onder ons jongmense. Beeld wil al ons skole, wat Afrikaans aanbied as Huistaal of as Eerste Addisionele Taal, aanmoedig om deel te word van die bouwerk aan hierdie "skat wat ons Afrikaans" noem .
Ongelukkig was daar ook leerlinge wat oneerlik was en verskeie vorme van plagiaat gepleeg het in vorige jare, waaronder kunsmatige intelligensie wat ingespan was. Ons wil ons onderwysers ook oplei om sodanige gebruik van kunsmatige intelligensie vinnig te identifiseer. Behalwe dat ons jong skryftalent wil ontwikkel, wil ons ook die totale ontwikkeling van ons jongmense voorop stel - dit sluit morele ontwikkeling in en die skep van werk wat eie aan die skrywers is en hulle eie skeppende woordkuns is.
Vir wie is die inligting bedoel? Hierdie seminaar is vir skole en hul onderwysers.
Sluit by ons aan terwyl ons gesamentlik die weg baan vir die volgende generasie jong Afrikaanse skrywers.
Hierdie video opnameskakel is aanlyn beskikbaar. Registreer asseblief en ons stuur die videoskakel aan u, indien u 'n onderwyser by een van ons skole is.
BEELDSKOOL SAL DIE VIDEO OPNAMESKAKEL NA U E-POS STUUR (MAAK ASSEBLIEF SEKER DAT U U E-POS REG AANDUI). HOU U E-POS DOP EN KYK OOK BINNE U "JUNK" LEÊR IN U E-POS KLIËNT.
Indien u 'n gmail adres invul (eerste e-pos), sal u 'n outomatiese respons vanaf die webtuiste ontvang. Wanneer u die stuurknop druk, sal u die reCaptcha respons moet voltooi.
Indien u 'n gmail adres invul (eerste e-pos), sal u 'n outomatiese respons vanaf die webtuiste ontvang. Wanneer u die stuurknop druk, sal u die reCaptcha respons moet voltooi.
