REGISTRASIE: OPE-AFDELING 2023
Die nooi wat haar Europese skoene daar anderkant uitgeskop het, Indonesiese sokkies aangetrek het en haar vellies hier in Afrika kom vasmaak het; hierdie skat wat ons Afrikaans noem. Chris Chameleon
ONS HET DIE ADMINISTRATIEWE PROSES VIR SKOLE HERSIEN EN VERBETER (slegs die [1] elektroniese inskrywings, asook die [2] oplaai van die skryfstukke en [3] opsommenderlys op die webtuiste word vereis. Sien die handleidings en details per afdeling).
Reëls en Inskrywingsprosedure
Kreatiewe Skryfwerk wat tussen Januarie en 31 Augustus 2023 geskryf is, kan ingeskryf word.
Die sluitingsdatum vir inskrywings is 15 September 2023 en moet ons verkieslik voor die datum bereik.
Die beoordelaars se beslissing is finaal en geen korrespondensie sal oor die uitslag van die kompetisie gevoer word nie.
Hierdie afdeling is oop vir leerders wie oortuig is dat hulle skryftalent het. Nogtans moet die inskrywing deur die skool gedoen word vir verifikasie as oorspronklike kreatiewe skryfwerk.
U moet die leerders op ons webtuiste elektronies inskryf by die toepaslike afdeling, maar ook n dokumentasie invul soos aangedui op die aflaaibare PDF-dokument onderaan die blad (vir ons kontrole).
Die kreatiewe skryfwerk moet getik wees en dit moet ook elektronies opgelaai word (dit werk altyd beter wanneer die getikte formaat in PDF-formaat gestuur word, aangesien leerders en skole nie altyd dieselfde Microsoft Office weergawes gebruik nie).
Die handleiding met die nodige vorms vir deelname is onderaan die blad(die voltooide vorms moet ook elektronies opgelaai word op die spesifieke oplaai-area van 'n afdeling)
Die tema vir leerders in die ope-afdeling is soos volg: "Wat ek die beste in Afrikaans kan sê".
LET WEL:
Daar moet 'n opsommender lys van al die inskrywings OPGELAAI word. Die lys is aangeheg by die aflaaivorms (Handleiding).
Dit is vir kontrole.
Hierdie is 'n ope-afdeling vir leerders en moet deur die skool bestuur, geverifieer en opgelaai word.
Inskrywings en skryfwerk moet getik wees en dit moet ook elektronies in pdf-formaat opgelaai word.
Beeld gee nie individuele terugvoer aan skole of leerders nie, maar algemene terugvoer en wenke sal na afloop van die kompetisie beskikbaar gestel word.
BEPALINGS EN VOORWAARDES
TEGNOLOGIESE VEREISTES is die Skool se verantwoordelikheid en Beeld in Onderwys neem geen verantwoordelikheid daarvoor nie. Beeld in Onderwys neem geen verantwoordelykheid vir inskrywings wat ons nie bereik nie vir watter rede ook al.
Alle inskrywings bly die besit van Beeld/AON en behou die reg om unieke skryfwerk van leerders te publiseer (in die koerant en of in boekformaat), met naam-erkenning aan die skrywers daarvan, sonder enige verdere verpligting teenoor die individuele skrywers. Deur in te skryf, verbind u uself aan die bepaling en voorwaarde.
Deur vir die kompetisie in te skryf, waarborg die deelnemer dat hy of sy die alleeneienaar van die skryfwerk en die enigste kopiereg-eienaar van die inhoud van die kreatiewe skryfwerk (materiaal) is. Slegs ongepubliseerde werk kom in aanmerking vir hierdie kompetisie en deelnemers moet die verklaring(s) op die aanlyn indieningsvorm afmerk wat sertifiseer dat hul inskrywing hul eie, oorspronklike ongepubliseerde inskrywing/werk is en ook nie kunsmatig gegenereer is nie. Die opsommerderlys moet ook vir kontrole aangeheg word. Beeld behou die reg om wenners se skryfwerk aan hierdie riglyn te verifieer. Beeld en die beoordelaarspaneel behou die eksklusiewe reg voor om skryfstukke wat nie ’n leerder se eie oorspronklike werk is nie, of op enige kunsmatige wyse gegenereer is, na eie goeddunke te diskwalifiseer. Beeld behou die reg om kompetisiereëls te verander of te wysig sonder kennisgewing.
REGISTREER HIERONDER
HANDLEIDING VIR DIE KREATIEWE SKRYFKOMPETISIE: OPE-AFDELING
Die handleiding bevat die nodige dokumentasie soos die inskrywingsvorm, prosedure vir die inskrywings, asook die opsommenderlys wat u saam met die die leerders se kreatiewe skryfwerk moet instuur
OF
U kan op die onderstaande beeld kliek om die dokument af te laai om sodoende die volledige inskrywingsvorm en die opsommerderlys te bekom vir voltooiing, of te lees.
